දේසද්රෝහීව මියගිය
පොලිනියස් නොවේ මම
එක්දහස් එක් කලෙක
ලේ ගැලූ ඉල් මහෙක
රතු කමිස ඇගලුයෙන්
නව ලොවක් පැතූයෙන්
පන්සලේ මායිමේ
නළලිඳේ බැඳදමා
හෙණ හඩින් වෙඩිතබා
හිස් කබල පිපිරවූ
කිසිවෙකුත් නාදුනන
මළ සිරුරකිය මම
තවත් සුළු මොහෙතකින්
කාකයන් ඇදී එයි
කැනහිලුන් ඉරා කයි
ගිනිතබා දවාලයි
සොයුරියේ සොයුරියේ !
උන් ඇදී එන්න පෙර
එදා මෙන් නැගීසිට
නොමළ මළ සිරුර මත
දමනු මැන පස් මිටක්
No comments:
Post a Comment