ඒ මැරුණු අතීතය
පයේ මහපට ඇඟිල්ලෙන්
හාර හාරා තැවෙමු
උනු වැරදි අත්හරිමු
'ඉවසුවා නම්' කියමු
ආයෙ දවසක මේ ලෙසින්
හමුවුණේ ඇයි අසමු
දෑත් පටලා ගනිමු
'වැරදි' යැයි අත් මුදමු
'කමක් නෑ මේ අපිමනේ'
ආයෙමත් අත් ගනිමු
'ඔහු හොඳයි' ඔබ කියාවී
'ඈ මවක්' මා දොඩාවී
ඒ නමුත් කම්මුල් මතින්
වියලි කඳුලක් ගලාවී
මද'ඳුරේ පංකාව කැරකෙනා
සුළං රැල් අතීතය කළඹනා
හාඳුවෙන් පටන්ගෙන ඇරඹෙනා
වෙනස් වී නැත කිසිත් තේරෙණා