_____________________

colorful ලෝකයේ black & white කවි...

Wednesday, March 21, 2012

එක් සත්‍ය කතාවක්.. .

ස්ථානය:-
කොළඹ නගරයට නුදුරු තැනක්

දිනය:- 
2010 පොසොන් මස දිනයක්

වේලාව:- 
නැවතී ඇත

මුඛ්‍ය චරිත:-
තමන් මනමේ කුමරු යැයි සිතූ තරුණයෙක්;
ඒ අනුව, කුමරිය සහ වැදි රජු

මෙතෙක් කතාව:- 
කුමරු අත අසිපතක් නැත. වැදි රජු පෙර සූදානමින් සැගවූ කඩුවක් මැයි මාරා ගස් බෙනයකින් ගෙන කුමරිය අතට දෙයි. සිදුවීමට යන දේ වලක්වාගැනීමට නොහැකියෙන් කුමරු නිසලව සිටී.
කුමරිය බොහෝ සෙමෙන්, ඉතා මෘදු ලෙස කුමරු හට අසිපතින් අනී. වේදනාව අඩුකරනුවස් ඇය කුමරු හට සඳකිදුරු දා කවෙහි කවි ගායනා කරයි. කුමරු සෙමෙන් දෑස පියාගනී. වැදිරජු ඉකිබිදී. කුමරිය නිහඩව සිටී.
~~~~~~~~~~~~~~~~~~~~~~~~~~~~~~~~~~~~
(පැය 13කට පසු)

ඔහු මැරුණෙ නැත
කඩු පහර
ලේ පීලී ගැස්සුවද
සිහිය තොර වූ මිසෙක
මියගියේ නැත

කුමරිය
වැදි රජු ද සමඟින
සිරුර හැරදා
ඈත ගිය පසුව
සිහින් පොද වැසි
වැටී මුහුනට
මදින් මද
සිහි ලැබේ කුමරුට

සුරතින් වසාගෙන කඩුවෙන් කැපුණු තැන
ඩෙනිමෙන් ඉරාගෙන පටියක් සීරුවට
වෙලා තුවාලය නවතා ගලන ලෙය
කුමරුන් ගොඩවුනා දුර යන බසයටක 

අසංස්කෘතිකයාගේ කවිය

මම
ඔබව
සිපගනිමි


ඈත් මෑත් බලා
කිසිවකුත් නොදකිනා ලෙස නොව
දෙනෝ දාහක් සෙනඟ මැද
බොහෝ උන් ඇස ගැටෙන ලෙස


ලැජ්ජා නොවනු මැන
ඒ සියළු මිනිසුන්
තවත් පියවර පහක් ගියතැන
අපව අමතක කරනු ඇත
නොමැති නම්
නොදුටු ලෙස සිටිනු ඇත