_____________________

colorful ලෝකයේ black & white කවි...

Tuesday, April 10, 2012

සරදියෙල් නම් සිරකරු

යකඩ දොර මරාගෙන
කළුවරත් ඉරාගෙන
කෝපි මල් පුසුඹ මට දැනෙනවා
ඉර එළිය ඇබින්දක්
හොරෙන් මම හොයාගෙන
නුඹේ රුව කළුවරේ අඳිනවා

ඔය ළමැද සීරුවට
හිස රැන්දු වෙලාවක්
දෑසමානේ තාම පේනවා
ඇත්තමයි මේනකා
ඒ වගේ වෙලාවට
ගල්බිත්ති වලත් තෙත දැනෙනවා

කන්ද කෙලවර කෝපි වත්තක
ළපටි දල්ලක් පොඩිව රතුවුණු
හැන්දෑව මට මැවෙනවා
සත්තමයි මේනකා
දෑතෙ ලූ දම් වැලෙත්
කෝපි මල් පිපෙනවා පේනවා

මේනකා නුඹ හඬනවා
ඒ හැඬුම් මට දැනෙනවා
මං ඉර ඇබින්දක් හොයනවා