_____________________

colorful ලෝකයේ black & white කවි...

Tuesday, April 2, 2013

යළිත් මා පලායමි..!


අඳුරු මූසල රැය
කළු වලා
සඟවලා තරු එළිය

සියක් ගව් ඈත දුර
පහන් කණු දල්වේ
මහට මඟ නොපෙනේ

හිඳ ගනිමි
අතර මඟ
බොරළු මත

දෑස් අග
දුටුව අවසන් දසුන
තවම තැවරිලා තෙත

නැත
රාහුලෙකු යහන මත
තනිව මිස

කුටිය මැද
පහන් සිල, දැල්ල අග
රඟදිදී මා පෙලූ
මෙරු දෙනක් පමණි ඇය
ජීවිතේ රංගනය
වරදවා රඟයි ඇය

දිගු සුමුදු අඟිලි අග
තෙත ගතිය
හෙමි හෙමින් පහව යත

මේ ගමන
විමුක්තිය ලබන්නට
මරණයෙන් මිදෙන්නට
යාම නොව,
ඒ වියළි දෑත් මැද
දැවි දැවී හිඳින්නට
බැරිය මට
...
..... .
.......... ..
(දුටිමි අවසන් වරට
පොරෝනාවෙන් මිදුනු
ඇගේ නිරුවත් සිරුර)

ඡන්න..!
මේ
රාත්‍රිය සීතලය .... .. .

No comments:

Post a Comment