හඬන්නී කැටකිරිල්ලී
කුඩා හොටයක් දරන්නී
ඉන් ගලට ඇන බලන්නී
දැන් බිදෙයි දැන් බිදෙයි සිතමින්
තුඩ ගෙවෙනතුරු කොටන්නී
සැඳෑවේ ඇස් හරින්නී
දිවාකල ගැන නොදන්නී
තරු එළිය හා තටුසලා ගොස්
කොහේ හෝ රෑ ගෙවන්නී
තරු නිවෙන විට හඬන්නී
හඬා ගල වෙත ඇදෙන්නී
හිතේ පැහැවන දුක නිවෙන තුරු
යළිත් ගලටම කොටන්නී
ගල බිඳින මන්තරය නොදන්නී
යකුළු පහරක් පතන්නී
යකුල්ලේ මිට මත පා තබා
තටු ගසා ඔසවන්න සදන්නී
බිජුවෙ හිමිකම දරන්නී
එහෙත් අහිමිව හඬන්නී
බිජුව පෙන්නා ඈව රවටන
යකුළු ඇත්තන් සිටින්නී
HONDAMA KAVI KIHIPAYAK
ReplyDelete